SHILLONG: New Shillong Township-o rikenggipa gital Assembly building matchotnasiengaha project-ni gipin kamrangkoba mikkang jabrirangni gisepon matchotaignok.
Koboro janapani gita, building-ni protchongkoba songdotaina gita a·bachengengaha aro kamrangko ia ja bon·achin matchotainaba gnang.
Ia project-ko Badri rai aro company jako ra·e kamrangko ka·enga.
A·doko mikka-chimarang dontonggija waani a·sel kam ka·anirango aditan ka·sinaha, indake indita building chuako kam ka·na gita kam ka·giparangnaba mikka waode kenchakanirang donga.
Protchongko songdoani kamrang matchotjokode building-ni kamrang matchotanga gitan ong·aignok.
Ma·sirikani gita, building ning·ani gipin kamrangnade Assembly Secretatariat, sakgipin contractor-ko rim·na chanchienga.
Ccivil work-de December-on matchotgnok ine ka·dongsoenga, indake mikkang bilsi February jaode rika-cho·anirang chu·gimik matchotgnok ine ka·dongsoenga.
Assembly Speaker somoiantian kam ka·anirangko re·ange nirokenga aro kam ka·anio matchotangroroaniko nike chu·ongnikaniko man·enga.
