SHILLONG: United Democratic Party (UDP), Gambegre bypoll-o susagenma susajawa iani gimin chanchia dongja. Indake party, ua seat-oni susagenma susajawa iako tik ka·na gita Garo Hills-ni dilgiaprangni jako pakwataha.
“Garo Hills-o chingni dilgiparang donga, aro ua jolo chakgiparang bang·en donga. Beben chinga ua jolo ge·saba seat-ko man·kuja indiba chinga Garo Hills-o party-ko bilakatna kam ka·angkugen ine UDP general secretary Jemino Mawthoh aganaha.
Gambegre seat-o chinga susagenma susajawa iani gimin da·ode chanchia dongkujaenga, Garo Hills-ni dilgiparang tik ka·china senge dongenga.
National People’s Party, Gambegre seat-o Chief Minister Conrad K Sangma-ni jikgipa Mehtab Chandee-ko chakatatenga. Trinamool Congress, gitcham minister Zenith M. Sangma-ni jikgipa Sadhiarani Sangma-ko chakatatskaenga, uan GHADC-ni memborba ong·a.
Congress, ua seat Tura MP Saleng Sangma baksa meligipa Jingjang M Marak-ko chakatenga. BJP, October 21 tariko New Delhi-o meeting tom·a ja·man candidate-ko parakatgen.
Minggipin UDP, ADC election-na mikkang ja November -ni skanggipa antio candidate-rangni bimingko parakatgen.
Meja Sukrobar salo Party, uamangni Central Executie Committee (CEC) meeting-ko ong·ataha jeon poll-ni gimin chanchirimangaha.
“CEC meeting-o chinga State Eleciton Committee-oniko dingtang dingtang district-rangoni report-rangko man·soaha. Meja antiosan gimik district-rangoniko candidate-rangko basena State Election Committee-ko songaha. Bang·a constituency-rangan candidate-rangko seokaha, ine Mawthoh aganaha.”
“Uandake meeting-o district council election-na tarisoani giminba chanchirimaha. Chinga KHADC aro JHADC -ni gimin seat-rango susagen.”
Minggipin UDP, ADC poll-o HSPDP baksa bakrimgenma ine sing·aon Mawthow indine aganaha, “RDA-ni gitade chinga HSPDP baksa pangnan bakrima. UDP-ni miksonganian a·dokni apsan dake chanchibewalgipa dolrang ba regional force baksa bakrimani ong·a.”
