SHILLONG: Gambegre bye election-na sakgni me·chgik candidate-rang Mehtab Chandee Agitok Sangma aro Sadhiarani M Sangma susaenggipa krorpati-rangsa ong·a.
Gambegre bye election-na NPP candidate ong·-enggipa Mehtab Chandee Agitok Sangma jean Chief Minister Conrad Sangma-ni jjikgipa ong·a, uamango gari bolgni aro lak 2.5 damni bosturang aro sona gram 300 donga.
NE Natural Farms-o tangka kror 4.15 aro Trinity Healthcare-o tangka kror 8.26-ko ua tangkarangko botangaha.
Affidavid-o parakatani gitade, uo chu·gimik tangka kror 15.88-ni gita gamjin-rango donga unoni chu·-gimik nokni dam Conrad Sangma-ni nok tangka kror 1.19-ni donga.
Uo damgni a·a game ge·e cha·ani acre 34 donga, Conrad Sangma-o a·a acre 150 dambri game ge·e cha·ani a·arang donga. Ge·sa gamjinde boksis on·gipa ong·a.
Mehtab Chandee Agitok Sangma-o game ge·e cha·na man·gijagipa damgittam a·arang donga aro Conrad Sangma-o damsa a·a donga.
Mehtab Chandee-o ge·-gni nokrang donga ge·sa Delhi-o aro gipinara Tura-o donga, Conrad Sangma-o Guwahati-o ge·gni flat nokrang donga aro ge·sa New Delhi-ni Saket-o donga. Mehtab Chandee-o chu·gimik tangka kror 9.66 damni gamjinrang donga.
TMC candidate Sadhiarani M Sangma uan gitcham cabinet Zenith Sangma-ni jikgipa krorpati ong·a.
Sadhiarani Sangma-o chu·gimik tangka kror 1.24-ni gita gamjinrang donga, Zenith Sangma-o lak 46 donga, Uo gari bolsku donga. Uo lak 5 damni jewellery-rang ba gana chinani bosturang donga.
Sadhiarani Sangma-o
(Mitam jak 2-o)
a·a damgittam donga ua damgittam gimikon breaha. Aro uo game ge·e cha·gijagipa a·a damsni donga, Zentih Sangma-o dambri a·arang donga.
Uo an·tangni badingchiwalanio jakkalgipa nokrang donga damsa Tura-o aro damgipinara Ampati bazar-o donga. Uo ge·gittam dongchakani nokrang donga ge·sa New Delhi-o donga, Zenith Sangma-o ge·gittam dongchakani nokrang donga.
Chu·gimik uo tangka kror 6.8-ni gamjinrang donga, Zenith Sangma-o chu·gimik tangka kror 4.5 damni gamjinrang donga.
