SHILLONG: Shillong Nongstoin Tura road project-ni scam ba mamlani bidingo sandirokaniko dakanio Shillong Police, somoi ra·engkua gita nikenga, je mamlaon contractor-rang aro state engineer-rang bak dongpaa ine matnanganirang ong·kataha.
State police koboro paraka je da·o dipet maming gital kobor dongkuja aro FIR on·gipani bidingo police skanggipa sandianirangko dakchengenga.
Indakeba koboro janapaha je road project scam-ni bidingo FIR on·gipao je manderangni bimingrngkon janapahachim uamangoniko saksakoba sing·rokna okamata ba rim·aba dongkuja.
Unaskanggipa koboro gitade ia mamlara namen technical ong·a ine police aganahachim aro ia a·selrangko police sandianirangko dakenga.
A·dok sorkarini a·gipi engineer-rangko aro Telangana aro Haryana-ni dolgni company-rangni official-rangko man·chape gimik saksku manderangni bimingko FIR on·gipao janapahachim.
Meghalaya-ni ia mongsonggipa rama dilsako tarianio bang·a kror tangka-paisarangko cha·boke cha·anio contractor aro state engineer-rangko man·chape, dosi donggiparangni kosako sandirokaniko dakchina gita Meghalaya Sorkari, police-ko aganahachim ine nikatna man·a
FIR on·gipao, a·dok sorkarini a·gipi engineer-rangko man·chape Telengana aro Haryana-ni ge·gni private company-rangni official-rang, gimik saksku manderangni bimingrangko janapahachim.
“Bang·a kamrango sokdogijaniko nikani a·sel, ia kror 2,300-ni road project-ni bidingo FIR on·na gita sorkari draatako man·aha’’ ine Public Works Depart-ment-ni saksa official unaskango parake aganahachim.
A·dokni skotong song-jinma Shillong-ko Nong-stoin aro Rongjeng gita Tura-ona nangdimatgipa road project-ko 2010 bilsio Ma·mong Sorkarini Special Road Development Pro-gramme-North East-ni bak gita dake ra·chakahachim.
Official-ni aganani gitade, Tg. kror 1303.83-ni contract-ko baditaba changna nipiltaitaianiko dakahachim aro kror 2366.77-ona bariatahachim. Indake somoi donsoa gitade ia road project-ko 2014-o matchotataniba ong·achim.
Shillong-Tura road project-ni mamlako sandianio Police somoi ra·chengenga
Date:
Share post:
