SHILLONG: Meghalaya-Assam-ni gisepo sima ario meligrikgijaniko namatna agangrikani skanggipa phase bakode ta·raken matchotna nangnikako mesokahachim indiba da·ora Assam aro Meghalaya a·dok dolgnian sima arini bidingo agangrikaniko ta·rakatna nangnikjahakon ine nikna man·skaenga.
Cabinet Minister Paul Lyngdoh, jean West Khasi Hills Regional Broder Committee-ni chairman ong·a, ua Mongolbar salo kobor ra·timgiparang baksa agangrikmitingo, “chinga Assam-ni dilgiparang baksa agangrikna jotton ka·achim indiba uamangoniko maming aganchakataniko man·soja’ ine aganaha.
“West Khasi Hilss-ni DC-ko Kamrup-ni DC baksa agangrikatna aganaha, indiba da·onan chinga uamangni aganchakaniko man·sokuja. Meligrikgijagipa jolrangona wena matchotaosa regional committee, bon·kamgipa report-ko on·na man·gen,” ine Lyngdoh aganaha.
“Chinga ia bilsi 2024 bilsini sin·kariode matchotna chanchiachim indiba Assam sorkarioniko maming aganchakani dongkuja.”
Regional Committee, document-ko Assam -ni Committee-na on·ataha aro uno namgipa aganchakaniko man·soaha.
“Da·ode chinga sima ario meligrikgijagipa jolrangona wene ua jolo songdonggiprangko gronge agangrikna nangenga.
Batanggimin bilsi 2022 August jao Assam aro Meghalaya-ni gisepo gnigipa agangrikaniko dakangaha aro unon sima ario meligrikgijaniko namatna gita ja·ku de·anio dolgni a·dokrangan regional committee-ko songaha indiba da·ora ia mamla bon·changdikenga.
