SHILLONG: A·dok Sorkario mikkang bilsioni dipete Shillong Medical College (SMC)-ko a·bachengatna man·gnok ine ka·dongsoenga.
“Shillong Medical College (SMC) aro Tura Medical College-ko rikanirang matchotna am·tokengaha. SMC, ian ge·sa skangni tarisogimin project ong·ani gimin Turana skangan medical institute ong·chengna chol nambatenga, maina nangchongmotgipa niamrangko chinga tarisomanaha. Sak 400-na tuchakani a·dam donggipa hospitalko rikna gita a·a dongna nanga, faculty-rang chu·onga gita dongna nanga aro ugita gipin nangchongmotgiparang dongani gimin ian dal·begipa kam ong·a” ine A·dokni Health Minister Ampareen Lyngdoh Mongolbaro aganaha.
A·dok Sorkarini kam ka·anirang chu·sokroroangengaha ine aganengon, “SMC-ni bidingo aganengon, iana nokrik-nokdakanikosan nangaia ong·ja bang·a dingtang dingtang nanganirang donga. Nisanona sokatna gita chu·gimik health department-ko tarina nanga” ine Lyngdoh aganaha.
“Ge·sa medical college-ko a·bachengna gita NOC-na faculty-an mongsonggiparangoni mingsa ong·a. Medical college-o skie on·na gita an·chingo professor-rang dongama? uasan ong·aija service rules uandakgipa dingtang dingtang nanganirang bang·en dongkua ineba Health Minister aganaha.
