SHILLONG: North-Eastern Hill University, administrative-o registrar aro deputy registrar-ni post-na rakkigipa officer-ko ra·galchina dabianiko chagrongengon, mikkangchi neng·nikani bilongnasienga, maina NEHU Non-Teaching Staff Association (NEHUNSA), meja Sukrobar salo November 4 tarikoni dongdikgija strike ka·angna parakataha. Meja bilsio advertise ka·gipa post-rango manderangko rakkikujaengani gimin uamang kamtangko dontonge jingjengatna parakataha.
Written exam ba porikkana syllabus-ko aro tarikko on·china gita NEHUNSA, university-na October jaona somoiko on·ahachim.
“University-ni recruitment process-ko donchipani gimin chinga November 4 tarikoni kamko dontongna tik ka·aha. Meja October 29 tariko general body meeting-ko tom·ao chinga chanchirmaha ine NEHUNSA general secretary, JP Nongbri aganaha.
Post-na advertisement-ko meja bilsi November 3 tariko on·ahachim.
National Testing Agency (NTA), recruitment-ko ong·atna nangachim, indiba uamang meja July 16 tariko university-na recruitment-ko ka·angna man·jawa ine aganataha.
University-ni administration-ko bang·gija regular staff-rangchi chalaienga, somoi gita recruitment ka·ja ong·ode university-na bilongen neng·nikgen, ian poraienggipa chadamberangni poraianio aro career-o nangchakegen ine Nongbri aganaha.
NEHUSU aro NEHUTA-ba Registrar Colone (retd) Omkar Singh aro Deputy Registrar (Academics) Amit Gupta- ko kamoniko ra·galna dabienga.
