SHILLONG: Dingtang dingtang gadango skie on·enggipa teacher-rang, jemangan uamangni nangnikanirangko chu·sokatchina gita Sorkari dabiengachim, uamangni neng·nikanirangko chu·sokatna gita A·dok Sorkarini somoirangko on·kuchina gita Education Minister, Rakkam Sangma teacher-rangko aganaha.
Je dolniba ong·chong jedakgipa dabianirangko chu·sokatna gita kamrangko ka·anio niamrangko ja·rikna nangani gimin somoirangko nanga ine aganan baksa dingtang dingtang gadangni skigiparangni dabianirangko chu·sokatna gita sorkari nambatakon dakenga unigimin somoirangko on·na nanggen, Minister aganaha.
SSA teacher-rangni uamangna 70 percent reservation-ko bi·gipani bidingo aganengon, ian policy matters ba policy-ni ning·o ong·a ine Sangma aganaha. A·dokni je school-rangoba ong·chong bangbang dongenggipa post-rango SSA teacher-rangna 70% -ko a·kangchina gita Meghalaya SSA Schools’ Association (MSSASA) bi·ahachim.
Batanggimin somoio SSA Teacher-rangni dabia gita uamangna dabia gita age limit-ko komiataha ine aganengon, iako dakengon SSA teacher-rarako kamko rakkiaigen indakede ong·ja, gitalrangkoba rakkigen, Minister aganaha.
