BAGHMARA: South Garo Hills a·jaoba World Toilet Day campaign-ko re·anggipa Budbar salo, Baghmara-ni Circuit House Conference Hall-o a·bachengataha aro ia campaign-ko a·bachengatanio, South Garo Hills a·jao paikanarangko rikna man·enggipa nokdangrangna South West Garo Hills a·jani Deputy Commissioner aro DSBM-G-ni Chairman R Yanthan, sanction letter-rangko suale on·angjolaha.
South Garo Hills a·jao World Toilet Day campaign-ko a·bachengatanio Deputy Commissioner, tom·anio bak ra·giparangna aganprakangengon, bangbango a·pal re·anichi kenna nanganirangko talate on·angenba, ia campaign-ko chu·sokgipa ong·atna a·jao songdongenggipa pilak manderangkon bakrimchina didiangaha.
Ia tom·anio dongpae bak ra·anggipa gipin manderangara, PHE-ni Executive Engineer aro DSBM-G-ni Member Secretary S Snaitang, DSBM-ni District Coordinator Salchang Momin aro gipinrang ong·a.
