TURA: Dongimin ba tik ka·gimin gita kamko tik ong·e ka·jani gimin South Garo Hills-ni saksa PWD officer aro contractor-rangni kosako FIR ka·aha.
Tik ka·gimin gita ba mesoka gita dingtang dingtang kamrangko ka·ja ine matnangenba Nokrek Area Development Committee (NADC)-ni Joint Secretary, Prodip A Sangma, Sombar salo Sangknigre Police Station-o, PWD officer aro contractor-rangni kosako FIR on·eaha. Uni FIR ka·egipao, Assistant Executive Engineer, PWD (Roads), Tura North Division aro contractor- Ram Gopal Harlalka, Gaurav Harlalka aro M/S M D Construction-ni bimingrangko janapaha.
Indake ong·engon, FIR-o janapgimin Officer aro contractor-rang, tik ka·gimin gita dingtang dingtang kamrangko ka·jaha ine matnangaha aroba niamo pangchake uamangni kosako sandianiko dakchina gitaba NADC Joint Secretary, police department-ko didiaha.
