TURA: Butbar salo West Garo Hills-ni Rajabala Higher Secondary skul-o chatro chatrirangni ma·gipa pagiaprang, skul-ni SMC-ko dona man·chipjanina uamang dabiangaha, term jeon bon·kamgipa November 22-ko donani ja·man authority-ni gita salko mejamangmang on·dap-angaha.
Niam gri rakkigipa SMC-ko ra·galako ma·gipa pa-giparang nangnikenga jeni term-an matchotaha. Mat-nangatgiparangni paraka-tani gitade, 2021 bilini November 23 tariko SMC-ko a·bachengataha aro term-ko 2024 November 22-o matchotgenchim, jensalo office ge·etani gita meja-mangmang apsanko on·dapangaha.
West Garo Hills-ni DSEO-na uamang gital dake dabiangtaiaha, sal on·dapna office ge·etanio indake aganangaha, SMC-ko maming champenga gri tariaha aro iako ta·raken ra·galna nanga, iako ra·e matnanggiparang a·kang-aha. SMC-ko ra·galchina dabiani ian gital katta ong·ja mejamangmangba education official-rang baksa ia apsan mamlana apsan mat-nanggiparang sing·-domanataha. Apsan skulo skigiparangko niamgri rakkianiko ramram dakesa ra·engaha, SMC membor-rangoni sakgniko rakkiaha, Shillong-ni Director of School Education and Literary (DSEL)-naba mat-nangani lekkako on·angaha aro Diarectorate gadango chugipa gadango institution-ko name dake Tura, DESO-ni jak dongpagija am·sandianiko dakchina dabiangaha.
SMC membor-rang Rofiot Zamal aro Moslem Uddin-ni gita apsan somoio DESL-na matnangako badi ka·angaha.
Matnangatgiparangni parakatani gitade, sakgni candidate-rangko seokna tangka kror-rangko ra·aha aro ia bilsini July 9 tariko DESO-ni office-o interview dongako tanggitik dingtangataha. Sakgipin candidate-rang July 8 tarikona okamatani chitti sokbaningjanina neng·nikangaha jeon interview-ode uamang sokbaajaha inesa parakataha. Interview-o sakgni candidate-rangkosan ra·angaha jeon SMC-ni membor-rang ua biapon dongachim.
Matnangatgiparang November 26 tariko DESO-na uamangni gitalgipa dabianiko on·angaha, ia mamlao magisterial am·sandianiko dakchina ge·etaniko on·china aro High Court-o dorgasto galgipa donchipaienga, ge·etanio SMC-na on·dapgipa salrangko ra·galchina aro gitalgipa SMC-ko songna general tom·aniko ong·atchina skul authority-na ge·etaniko on·anga.
