TURA: 2025 bilsini January 1 tarikko qualifying date dake aro Registration of Electors 1960-o pangchake, West Garo Hills a·jani 56-Gambegre (ST) Legislative Assembly constituency-na draft electoral roll-rangko chapa ka·aha ine West Garo Hills a·jani Electoral Registration Officer (ERO) u·iataniko on·ataha.
Ia Photo Electoral Roll-rangko office-ni somoio Deputy Commissioner-ni office-oniko aro polling station damantionikon nie ra·ena man·gen ine u·iatengon, banoba jegalna nangani ba taridapna nanganirang donggenchimode, November 27 tarikoni December 12 tarikona, form 6, 6A, 7 aro 8-o nangani kri gapate on·ena man·gen ine ERO u·iataha.
ERO-ni u·iatani gitade, 2025 bilsio, jekai April-ni 1 tarik, July-ni 1 tarik ba October-ni 1 tariko, bilsi 18 gapna sienggipa manderangba, an·tangtangni bimingrangko electoral roll-rango segatna gita dorgastorangko galna man·gnok.
Electoral roll-rango a·kangani ba jegalna nanganirangko polling station-tangtangni Booth Level Officer-o ba Deputy Commissioner (Election)-ni office-ona ra·bae mesokena man·gen ineba u·iataha.