Tura: Garoland State Movement Committee (GSMC)-ni memborrang, Manipur a·doko tom·tomaniko ra·baaniko nangnike mejal Nov 30-o ong·atgipa tom·ao dongpaaha.
Meitei-Meetei Tribe Union MMTU)-ni salsani tom·ako ong·ataha aro uno Manipur Speaker, Thongchom Saytabrata aro GSMC-oni memborrang baksana Adivasi Manch India-ni president, Sunil Paradh dongpaaha.
Tom·ani gimin GSMC koboro aganao a·doko tom·tomaniko ra·bapilchina didiaha.
“Chinga dakgrikja aro jatko nosto ka·ja. Chingni nangnikchongmotenggipa kamde da·o tom·tomanikosa nangnikenga jedakode a·dokona namroro-silroroani sokbapilna gita man·gen,” GSMC general secretary, Bostone M Sangma aganaha.
Meeting-o Assam, Gujarat, Maharashtra aro Tripura-oni bang·a dolrang dongpaaha.
