Women and Child Development-ni Union Minister, Ri Bhoi dist-ona re·baa

NONGPOH: Meghalaya-o Ma·mong sorkarini mongsonggipa scheme-rangni chu·sokaniko nina gita Women and Child Development-ni Union Minister Annapurna Devi Ri Bhoi district-ona re·baaha.
Minister district-ni adita songrangna re·angaha aro Byrnihat-ni Primary Health Centre-o an·o donggipa ma·giparang aro Transit Home-o nokdangrang baksa agangrikaha.
Annapurna Devi, Saiden Village-ni  Anganwadi Centre-ona re·angaha aro centre-ko nirokgiparang baksa agangrikaha aro preschool services aro Supplemental Nutrition Programme (SNP)-o bi·sarangko biming segataha.
Minister, scheme-ni kamrangko niangaha aro Central Sector aro Sponsored Scheme-rangko kam ka·aniko nipiltaina DC Conference Hall-o pilak department-rang aro district administration-ni dilgiparangko grongaha.
Gipin scheme aro ja·ku de·ani gisepo NITI Aayog aro North Eastern Council (NEC)-oni tangka-paisako on·atani aro jakkalani baksa bilsio kam ka·na nisan donani gita chu·sokani, neng·nikani aro matchotani gimin chanchigrikaha.
Early Childhood Development Mission aro Chief Minister’s Safe Motherhood Scheme (CM-SMS)-ko man·chape mission-ko mikkangchi ka·e chu·sokatna a·dok sorkarini jotton ka·aniko Minister aganaha.
District-ni chu·sokanirangna Annapurna Devi kusi ong·aniko janape  “Da·alo, me·chik aro bi·sarangna bang·a mesokanirango district nambatgipa ong·enga,” ine aganaha.
Prime Minister Narendra Modi-ni dilgipani ning·o salgro-salaramna ma·mong sorkarini nisanko janape, “Da·alo, Prime Minister Narendra Modi North East region-na mangrakgipa nisanko donaha, ine aganaha.
Meeting-o a·dok aro ma·mong sorkarini official-rang Sampath Kumar, Principal Secretary, Health & Family Welfare, Pravin Bakshi, Commissioner & Secretary, Social Welfare Department, Abhilash Baranwal, Deputy Commissioner Ri Bhoi, Dr Ankita Chakravarty, India sorkarini PS Minister Women aro Child Development, Malika Pandey, APS Minister WCD, Ram Puneet, Language PA Minister, WCD, Kumar Gaurav, Under Secretary  WCD ministry-ni gipin official-rangni gisepo dongpaaha.