SHILlONG: JJM Project-ko matchotatna gita a·dok sorkari March 2025-ko donengon, da·o dipet 81.39 percent-mangni gita matchotaha.
“Chinga 81.39 percent kamrangko matchotengaha. Kam ka·ani somoi ong·taiengahani gimin contractor-rang da·o uamangni kamrangko a·bachengtoktaiengaha” ine PHE Minister, Marcuise N Marak aganaha.
JJM-ko dongimin somai gita matchotatna man·jae somaiko dontaitaienga aro dongimin somairangko bang·a changrangna dontaiaha.
A·a nanganichi, buring-bolgrimrangko ona nanganichi ru·utenga, Buringrangko ona nangani gimin adita mitam project-rangna neng·nikanirangko man·enga. Mitam project-rang chi man·gipa biapo ba ja·pango a·a ran·enga. Anga ua neng·nikanirangko CM-na aganmanaha aro chiko man·jringna gita chi man·ani ja·pangko dingtangatna nanganio tangka-paisako amdapna nangaha,” ua aganaha.
Bang·bata a·arangon neng·nikanirang dongaha buring ona somaiko nangaha indake department kamrangko ka·na gita man·ningjaha, ua aganaha.
JJM project-ni biapo bolrangko den·ni gimin sing·on bolrangko den·a nangja, ua aganaha.
JJM project-ko kam ka·anirang tik ong·ja ine political aro songpanggipa manderangchi matnangako man·ani gimin sing·on, ”JJM project, NOC forest department-ni a·a nangani a·selo ru·uate mitam project-rangko matchotatna man·kujaenga” ua aganaha.
“Indiba re·baenggipa bilsini March jao chinga uko matchotatna sakantikon anga ka·dongatenga,” ua agandapaha.
Garo Hills-o project namen ka·sinenga ine agana man·gen, Garo hills-o mitamrango namen ka·enga indiba mitamrangko galchipenga aro mitamrango contractor-rang kam ka·gija bangki dongenga. Project-ko galaha aro uko gipin contractor-rangna pakwatataha, ua aganaha.
