SHILLONG: Meghalaya a·dokni SSA skulrango skigiparangni dingtang dingtang neng·nikanirangko namatna gita a·dokni Education department, blueprint-ko tarienga ine a·dokni Education Minister Rakkam A Sangma parakataha.
“Chu·gimik blueprint-ko Education department tariengaha aro iako re·baenggipa 2025 bilsini January 9 ba 10 tariko a·dok sorkariona ra·anggen,” ine Sangma aganaha.
Meghalaya a·dokni sak 13,000-na batgipa skigiparangni kamko naljoke rakkina gita dingtangmancha niamko ra·gatchina Meghalaya SSA Schools Association (MSSASA) a·dok sorkario dabiengon, skigiparangni dormaharangko bariatchina gita All Meghalaya SSA School Teachers Association (AMSSASTA) dabiskaengachim.
Skigiparangni neng·nikanirangk namatna gita sorkari kam ka·enga ine janapatengon, “Iani bidingo chinga blueprint-ko tariengaha. Oe beben kamko ka·anio ra·bianirangde dongaia indiba skani donggenchimode cholba dongaia. Uni gimin sorkari skani gnang kamko ka·enga aro chinga cholko man·telaigen,” ine Sangma aganaha.
Skigiparangni pilak neng·nikanirangkon changsanon namatna gitasa Education department cholrangko sandienga ine janapatengon, iani bidingo Education department da·o blueprint-ko tariengaha aro blueprint-ko tarimanahaon a·dok sorkariona ra·anggnok ine Education Minister parakataha.
