Shillong: Mission Director F.G Kharshiing-chi dilenggipa Drug Reduction, Elimination & Action Mission (DREAM) Meghalaya, a·dokni rehabilitation centre-rango vocational training program-rangko a·bachengatgen. Ia program-rangko a·bacheng-atengani miksongania, je manderangan pekatgipa ringanirangchi be·eno neng·nikaniko man·eng-giparangko, practical skill-rangchi namatpilna, jakgitelgipa aro namgipa gadango janggi tanganiko on·a gita ong·gen. Re·anggipa Sukrobar salo Shillong-ni Social Welfare Office-o, rehabilitation centre-rangni manderang, aro government bodies, aro una agreba vocational training agency-rang baksa meetingko ong·atanio, uamangna kragipa courses, fostering partnerships aro chu·onga gita biaprang aro supplies, iarangni gimin golpogrikaniko dakangaha. Ia vocational training-ko on·a gita mangsonggipa ong·e kamko ka·nagipa-rangara, Skill Development Society, Industrial Training Institutes (ITI) BITS, Don Bosco Technical School, aro una agreba Ramakrishna Mission iarangan ong·gen.
Uamangni chanchisam-soenganiko aganatengon, Kharshiing-ni
aganani gitade kosako janapgimin training centre-ranga jekai ITI, Meghalaya sorkarini Skill Development Project, Don Bosco Technical School aro Ramakrishna Mission, iarangara skangonin indin training-ko on·enggiparangan ong·a, indide rehab centre-rangoba sana nirangko ra·enggiparangnaba vocational training-ko on·e mikkangchiba indakgipa trainingko on·a gita chol ra·angkuna gita man·gen, jean mandeni janggi tanganio dingtangataniko ra·bana man·gen, ineba ua aganaha. Una agreba Kharshiing ia chanchianiko dakanio, vocational training-ko on·achi sananiko ra·enggipa chadambe-rangna an·tangtango bebe ra·ani aro ka·donganiko on·gen aro indake uamango dingtanganiko aro dingtang dingtang bewal rango kam ka·e janggi tangna songsal-o gamchat-gipa ong·e re·mikkangna gitaba dakchakani ong·gen ineba ua agankuaha. Addiction-ko namatpilna ia vocational training-ko ra·chakgen ma ingipa sing·anina, Kharsiing indineba aganchakkuaha,” ia neng·nikanirangara mingsan ong·ja, aro ian saenggipa mandeko hospital-o sananiming apsanja jeon dongimin niamrangko ja·rikna nanga. Indiba iano chinga manderangni janggi tangani bewal dingtang ong·ataniko man·e neng·-nikaniko man·enggipa-rangkosa sana gita nang-enga, uni gimin indakgipa sananina dingtang dingt-ang namate on·a cholrangko nanggen jekai-physical training, coun-seling, community support, awareness aro gipinrang, ine ua aganchakaha.
