SHILLONG: Lok Sabha aro Assembly election-rangko apsan ong·atna gita ma·mong sorkarini ra·gatna miksongenggipa ‘One Nation, One Election’-na a·dokni Deputy Chief Minister Prestone Tynsong-ba namnikpaaniko parakataha.
Ia ‘One Nation, One Election’-ni ning·o ma·mong sorkari, Lok Sabha aro Assembly election-rangko apsan ong·atenba, sal 100-ni gisepon urban aro panchayat election-rangoba ong·atna miksongengachim.
Ia proposal-ko ma·mong Cabinet, re·anggipa antio ra·chakangaha aro ian a·songni gitcham President Ram Nath Kovind-chi dilenggipa high-level committee-ni ku·pattianio pangchake ong·aha.
Iani bidingo an·tangni chanchianiko parakatengon, “Anga iako party-ni pal aganna nangnikjaenga indiba an·tangni chanchianikosa aganenga. Election-rang jeba ong·china, MP, MLA ba je election-koba changgni changgittam dake ong·atgija apsan changsano ong·atakosa anga an·tangde nangnikenga. Election-rangko dingtang dingtang dake an·ching bang·en somoirangko bon·atna nangenga aro model code of conduct-rango an·ching bang·en somoi ra·enga. Uni gimin pilak election-rangkon changsano ong·atakosa anga an·tangba nangnikenga,” ine a·dokni Deputy Chief Minister aro National People’s Party (NPP)-ni state president aganaha.
Pilak election-rangkon apsan ong·atanichi somoirangko indin bon·atna nangjawa ineba ua aganaha.
“Oe beben dingtang dingtang election-rangko ong·atanio jagni ba jagittam somoirangko nangnaba gnang indiba bilsi bongani ja·mansa an·ching election-ko ong·attaina nangengahani gimin bang·en somoirangko jokatna man·gen. Election changpraknan sal 45-ni MCC-ko ra·gatronga indide election-ko changgni changgittam ong·atanichi an·ching bang·en somoirangko ra·dapna nangenga. Uni gimin anga an·tangde ‘One Nation, One Election’-ko namnikpaenga,” ine Tynsong aganaha.
 |
ReplyForward
|
