SHILLONG: Re·baenggipa bilsini February 21 tariko ong·atna sienggipa District Council election-o Voice of the People’s Party (VPP), 70 percent seat-rangko cheani cholrang donga ine VPP-ni president Ardent Miller Basaiawmoit a·kangataha.
Jaintia Hills Autonomous District Council (JHADC) election-o susana sienggipa VPP-ni sak 29 candidate-rangko jinmana parakna gita tom·aniko ong·atanio jinmana aganprakengon, ia district council election-ara, re·baenggipa 2028 bilsini Assembly election-na skang ‘semi final’ kal·ani gitasa ong·enga ine Basaiawmoit aganaha.
NPP-chi dilenggipa Meghalaya Democratic Alliance (MDA) 2.0 sorkarini ning·o manderang kamrangko ka·e cha·na cholrang dongjae, kangal cholgrirang maming namgnirang man·jae, kam ka·giparang an·tangtangni dormaharangko man·jae aro pilakni gitan kamrang chu·sokjahani a·sel a·dokni manderang neng·nikanirangko chagrongna nangtokenga ine VPP president matnangataha.
A·doko ong·gija dakgipa kamrang batroroenga ine janapatengon, a·dokni bang·a chadamberangan drugs aro chu gita dakgipa pekatgipa bosturangko jakkaltokenga aro ong·gija kamrangko ka·tokengoba sorkari maming ja·kurangkon de·na man·jaenga ine Basaiawmoit matnangataha.
Ia sorkari, mitam manderangna aro dolrangna mikkang nitee kamko ka·gipasa ong·a ineba ua matnange aganaha.
JHADC election-o susana sienggipa VPP-ni sak 29 candidate-rangara, Isaak Shylla (War-East), Jamshaphrang Pohtam (War-Central), Batskhem Hayong (War-West), Dr. Samely Shylla (Amwi-Khliehtyrshi), Nehemaiah Lamare (Mukhla-Ummulong), Closroy Laloo (Moodymmai-Nongkhroh), Yoowanmi Myrïa (Nartiang-Wahlajer), Chanbor Rymbai (Moodop-Umladang), Laiawanlam Jinghun Khyriem (Mynso-Nongjngi), Darapbiang Mulieh (Mynsngat-Khanduli), Darimi Liam (Shilliang Myntang), Sarlangki Dkhar (Barato-Mukroh), Thiyo Lapasam (Saphai-Sahsniang), Rimiki Niang (Mowkaiaw), T.Z. Dkhar (Raliang), Hameshaniah Suiam (Shangpung), Gresentus Susngi (Nangbah – Mihmyntdu), Andrew Shullai (Jowal-North), Iaibatlang Talang (Jowai-South), Soki Lapasam (Muthlong), Delmon Phawa (Tuber-Wapungshnong), Damewanhi Rymbai (Musniang- Rangad), Tyngshain Phawa (Rymbai-Khliehriat), Lamsuk Langstang (Sutnga-Narwan), Lastborn Sympli (Sutnga-Nongkhlieh), Dakeinkor Tangliang (Sumer), Prince Sukhlaiñ (Saipung-Nongkhlieh), Deiwi Tongper (Narpuh) aro Levenson Suchiang (Bataw-Lakadong) ong·enga.