SHILLONG: National Games-ko Meghalaya sorkari, 2027 bilsini a·bachengachibara sokachakna miksongenga.
Meghalaya a·doko National Games-ko sokachakna gita dingtang dingtang kal·chakram biaprangko namdapatani bidingo a·dokni Chief Minister Conrad K Sangma, adita salrangna skangsan, dingtang dingtang official-rang tom·e chanchirimangaha.
Iani bidingo talataniko on·angengon, Meghalaya a·doko National Games-ko 2027 bilsini February-March jani gisepo sokachakna nisanko donenga ine Meghalaya State Olympic Association (MSOA)-ni president John F Kharshiing parakataha.
Kharshiing-ni aganani gitade, National Games-ko sokachakna gita dingtang dingtang kal·chakram biaprangko tarisoani 2025 bilsini bon·angachibara ong·jaode, 2026 bilsini March jarangosa matchotna ka·dongengani gimin uamang ia kal·susaaniko sokachakna 2027 bilsini February-March jarangko nisan ka·enga.
“National Games-ko 2027 bilsio sokachakna gita chinga Indian Olympic Association (IOA)-na u·iatna tik ka·aha,” ine Kharshiing aganaha.
Iani bidingo a·dokni Sports & Youth Affairs Minister Shakliar Warjri-ba adita salrangna skangsan, Union Youth Affairs & Sports Minister Mansukh Mandaviya-na u·iataha ineba ua aganaha.
National Games-ko sokachakna gita uamango da·o bilsigni somoirang dongkuengani gimin kamrangko matchotsona ka·dongenga ineba MSOA-ni president parakataha.