SHILLONG: Re·baenggipa February jani 21 tariko ong·atenggipa Khasi Hills Autonomous District Council (KHADC) aro Jaintia Hills Autonomous District Council (JHADC) election-o susana sienggipa National People’s Party (NPP)-ni gnigipa candidate list ba bimingrangko January 10 tariko jinmana parakatna miksongenga.
Iani bidingo u·iataniko on·atengon, ia district council election-o seokgimin adita constituency-rangna candidate-rangko seokdapaha aro ia candidate-rangko January 10 tariko jinmana parakatgen ine NPP-ni state working president Hamletson Dohling aganaha.
Ia chang KHADC aro JHADC election-o NPP, chu·gimik constituency-rangode susajawa ine u·iatengon, mitam NPP block-rangni on·atgipa recommendation-rango uamang suk ong·nikjae, constituency gimiko susagija mitam constituency-rangosan susana tik ka·aiaha ine Dohling parakataha.
“Election-o susana nangaiani giminde chinga susana nangnikjaenga,” ine ua aganaha.
Da·o MLA ong·e dongenggipa damgni ba damgittam constituency-rango candidate-rangko susaatchina uamang draako man·enga ine janapatengon, “Da·o dipet ia constituency-rangni bidingo block-ni gadango chanchikuengani gimin chinga ia constituency-rangni bidingo name tik ka·kujaenga,” ine NPP-ni state working president parakataha.
Da·o dipet NPP-ni candidate-rangko KHADC-na sak 18 aro JHADC-na sak 26 parakahachim ine nikna man·a.
 |
ReplyForward
|
