SHILLONG: Shillong Medical College-ko ra·bana kam ka·anirang ka·sinsin matchotangengaha, ia 2025-on matchotatna nisan donenga ine Health Minister Ampareen Lyngdoh aganaha.
“An·chingo daktorrang chu·ongjae batanggimin salo mingsa neng·nikani ong·gen ia dal·begipa bangbang ong·enggipa kam 2025-o Meghalaya-ni manderang kusiniko man·gnok,” Lyngdoh aganaha. An·chingna ian neng·nikani ine agane India sorkari, 2027 bilsio college-o postgraduate course-rangko a·bachengchina didiaha, ua aganaha.
Minister ia kattarangko cabinet retreat-o aganao sana-banani a·ba mongsonggipa nisan donani ong·a ine aganaha. Da·o ong·enggipa neng·nikanirangna aro nambate chanchianirangko dakna gamchatgipa an·tangni nikani-chanchianirangko agan cholko on·anina ua retreat-ko mittelaha.
Shillong Medical College-ko ra·baani da·o ong·angengaha , Tura Medical College, India sorkarioni tangka-paisa aro approval-rangni a·selo neng·nikanirangko man·e ja·manchakenga. Ua project-na ja 12-na bate ru·utjawa ine a·dok sorkari ku·rachakenga, Lyngdoh ka·dongataha.
“Chinga de·e mesokanirangko India sorkarina watataha, jekon nangchongmota approval-na sengna nange ru·utenga,” ua aganaha.
Sana-banani a·bao tangka-paisa watatanio ru·ute minggipin neng·nikani ong·a, indake primary health centres (PHC)-rangko, community health centres (CHC)-rangko, aro sub-centre-rangko chalaianio neng·nikani ong·enga. “Health-na tangka-paisa chamgipaoni 50 percent-de joljol dormaharang ong·a aro gipin 50 per cent-ko somai gita ua centre-rangona sokangja,” ua talataha.
Ia neng·nikaniko namatna sorkari bangbang ong·enganiko ma·sina aro tangka-paisako chu·onga gita jakkalna healthcare facility-rangni audit-ko ka·na sorkari miksongenga. PHC-ko CHC-ona dake sana-banani cholrangko nambatatna facility-rangko tang·doatna nangenganiko Lyngdoh aganaha. “Na·simangni PHC, sub-centre aro CHC-
