SHILLONG: Indian Meteorological Department (IMD)-ni bilsi 150 gapaniko maniani bak gita Budbar salo, Shillong Meteorological Centre-o Exhibition-ko ong·atanga.
Ia Exhibition-o skulni Geography ki·taprango niksogipa dingtang dingtang jakkalani bosturang, jekai mikka balwa aro uandake nisamsoanirango jakkalgipa GPS Radiosonde aro uandakgipa ma·manti bosturangko jinmana mesokangaha. Radiosonde, ian ding·a-sin·ako u·ina jakkalan baksa a·gilsakni gipin biaprango ong·enggipa obostarangko mesokgipa ostroba ong·a.
Una agreba, ia Exhibition-o dingtang dingtang kamrangna jakkalgipa Automatic Weather Station (AWS) aro uandakgipa IMD-ni ostrorangkoba nikna man·aha.
Unbaksana Green Cylindrical, Anemometer, Sunshine Cards, Open Pan Evaporimeter (OPE), Measuring Bucket, Water Thermometer, Measuring Glass, Hair Hydrograph, Thermometers, Wet Bulb Thermometers, aro Dry Bulb Thermometer gita dakgipa ostro ba kolrangkoba ia exhibition-o mesokangaha.
Una agreba, Evaporimeter, Ordinary Rain Gauge, Single Stevenson Screen, aro Self Recording Rain Gauge gita dakgipa ostrorangkoba ia exhibition-o nikna man·aha.