TURA: Sukrobar salo, West Garo Hills a·jani Phulbari-o Rongadatgre Youth and Cultural Club (RYCC), Eye and ENT Camp-ko ong·ataha aro ia Eye and ENT Camp-ko ong·atanichi songni manderang, bang·a namgnirangko man·aha.
Ia camp-o Dr Subhash Sangraula, Biswajit Sobor (Pharmacist), Pramod Shrestha (Optician), aro Saurab
Subedi (Management Officer), songni manderangna dangdike on·angaha.
Ia Eye & ENT Camp-ko ong·atani bidingo, RYCC-ni president Arcosh M Momin-ni talate on·angengon, “Ia camp-ko ong·atanichi songo noko, mikron, nachil, gingting aro uandake gipin neng·nikaniko man·enggipa manderang, korosrang bon·e jillarangona re·ange sanna bannaniko ra·na nanggija bang·a namgnirangko man·aha aro Nepal a·songoni nambegipa bosturangko ra·baenba manderangni
bang·a saknaanirangkon komiataha,” ine aganaha.
Una agre camp-o dakdilenggiparang dal·kala surgery-ko dakna gitade Nepal a·songona re·angna gita
nanggen ine u·iataha.
Indake Nepal a·song, a·gilsak gimikon mikron saaniko sannanio niksenggipa a·songrangoni damsa ong·a,
jeon bang·gija korosrangkosan nangaia. Ia a·songo a·gilsak gimiko nambatgipa Eye Hospital ba
donga jean Tilganga Institute of Ophthalmology ong·a aro ianona South Asia-ni dingtang dingtang biaprangonin sanna bannaniko ra·na gita re·baronga.
