SHILLONG: South West Khasi Hills a·jani Ranikor Community Health Centre (CHC)-o First Referral Unit (FRU)-ko Sukrobar salo, a·dokni Chief Minister Conrad K Sangma kulie on·angaha.
Ia Ranikor CHC-ni FRU-o ma·giparang, atchidaldal bi·sarang aro pilaknan nirok sandianirangko aro an·seng baljokanirangko on·na gita dingtang dingtang cholrangko ra·gataha.
Ia CHC-o FRU-ko kulianichi, dingtang dingtang hospital-rango kamrang jakchakgijaniko olgrokatna gita sanna bananirangko on·na man·gnok.
Ia skanggipa bako gimik dambonga CHC-rango FRU-rangko kuliaha aro iarangara, Ranikor, Mawphlang, Bhoirymbong, Pynursla aro Resubelpara CHC-rang ong·a.
Indake ong·engon, gnigipa bako Namdong, Riangdo, Patharkhmah, Selsella, Phulbari aro Dalu CHC-rangona FRU-rangko kuligen ine Chief Minister parakataha.
