SHILLONG: Ksan Rngiew Movement-mitingo Mizoram-o ra·gataha gitan a·dokoba Article 371-ko ra·gatna namaia ine dabie manderangko dilsretanina Voice of the People Party (VPP), mejalo nangai nangjai cabinet Minister Paul Lyngdoh-ko kema bi·china aganaha.
“Meghalaya-ni manderango kemako bi·e manderangko neng·nikata maina skangon 2000-on chingo Ksan Rngiew Movement dongaha. Ua movement-o Mizoram a·doko ra·gataha gitan Meghalaya-oba ra·gatna namaigen ua Article 371-ko dabiaha iana a·dok sorkario ua kemako bi·na nanga,” VPP ku·wattimgipa Batskhem Myrboh aganaha.
Paul skango Khasi Students Union (KSU)-ni president ong·e dilengachim.
“Meghalaya-o Article 371-ko ra·gatchina 2004 bilsio apsan dabianina aro ru·uta bilsirangna manderangko dilsretanina ukoba kema bi·atna hai” ua aganaha.
Ua mamlani bidingo uamangni chakatani bidingo agane, ‘‘Chingni chakataniba apsan ong·a chingasan nangnikaia ong·ja uamangsa nangnikenga. Chingade dingtangatna sikgipa gisik donggipa politician-rang ong·ja chingade chingni obostani giminsa raken chadengenga. Gipinrang maiko aganenga chingade je ong·oba nigrika maina chinga jeko agana uko chinga ma·sia”.
VPP, Meghalaya-o Article 371-ko ra·gatna agandilani bidingo UDP-oni saksani ja·mano saksa taptap dake matnanggrimako man·aha.
Cabinet Minister aro UDP dilgipa Paul Lyngdoh, Article 371 aro Sixth Schedule minggnian namgni ong·grikaia ine agane VPP-ni dabiako jegale aganaha.
“Jeon Article 371 donga uno Autonomous District Councils (ADC)-rang dongja, aro jeon ADC-rang donga, Article 371-ko on·skaja. Ian namen rongtala, indiba saoba manderang uamango jajaani dongani gimin manderangko dilsretenga,” ua aganaha.
Article 371-ni bidingo kemako bi·china VPP, Paul Lyngdoh-ko agana
Date:
Share post:
