SHILLONG: Meghalaya-ni Chief Minister Conrad Sangma, meja Sonibar salo Ma·mong sorkarini parakatgipa Union Budget-ko de·mittelaha.
Conrad Sangma, Union budget-ko de·mittelataon Finance Minister-ni North Eastern regional district-rangna mongsonge taridapgia UDAN scheme-ko parakatani gimin kusi ong·ako parakate mittela-taha. Ia schemehelipad aro a·bri jolni chongipa airport-rangni connectivity ba rama ja·langko namda-patgen.
Ia budget-ara development-na mancha mik-songen tarigipa ong·a. Agriculture ba ge·a-gamanio, MSME, connectivity, youth ba chadamberangna cholrangko bikote on·na gisik on·aha. Scheme-rangoni PM Dhan Dhanya Yojana, MSME credit, aro UDAN- iarang Meghalaya a·dokko dingtangatgen.
