SHILLONG: Re·anggipa Sombar salo, a·dokni Chief Minister Conrad K Sangma, Union Rural Development Minister Shivraj Singh Chouhan-ko New Delhi-o grongenba, Mahatma Gandhi National Rural Employment Guarantee Act (MGNREGA)-ni ning·o dingtang dingtang kamrangko ka·e cha·enggipa manderangni neng·nikanirangko janapangaha.
Union Minister-ko gronge agangrikanio, 2023-24 bilsini bangki dongkuenggipa hajirarangko ta·raken watatchina aro songadam nokadamrangna National Mobile Monitoring System (NMMS) App-ko jakkalna kamrangko a·bachengatchina Chief Minister didiangaha.
Ia NMMS App-ara, MGNREGA-ni kamrangko chu·sokatanio maming dongnuanirang dongjana gita kam ka·e cha·enggiparangni attendance-ko ra·na jakkalenggipa App ong·achim.
MGNREGA-ni ning·o bangki dongkuenggipa bosturangni korosrangkoba ta·raken watatchina gita a·dokni Chief Minister, Union Rural Development Minister Shivraj Singh Chouhan-ko didiangaha.
