SHILLONG: Shillong-Nongstoin-Tura road project-o kror 2,300 scam ba cha·bokani mamlako Meghalaya-ni Criminal Investigation Department (CID), am·sandiengachim, sandianiko matchotna somoiko ra·dapnaba donga.
Koborni gita, ia mamla bilongeng ning·tugipa ong·ani gimin sandianiko matchotna somoi nanggen.
“Iandakgipa case ba mamlarangko sandina somoi nanga. Mamlako da·oba sandikuenga, uni gimin mamingkon agana man·kujawa.”
Ia mamlako meja bilsi September jaoni sandianiko a·bachengataha. A·dok sorkari, ia multi-crore-ni scam-ko sandina ge·etaha.
FIR-o janapani gita a·gipi sorkari engineers, officials, Telagana aro Haryana-ni ge·gni private company-rangoni saksku manderangni bimingrang donga. Financial transaction ba tangka watgrikaniko, project execution aro approved plan-rangko sandiangkuna nangenga.
Shillong-oni Tura-ona Nongstoin aro Rongjeng gita ramako tarina Shillong-Nongstoin-Tura road project-ko bilsi 2010-o Central Government’s Special Road Development Programme- North East (SRDP-NE)-ni gita approve ka·aha ba ra·chakaha.
Ia project-na kror 1,3030.83-ko donahachim indiba ja·man multiple cost revision-ni a·sel project-ni dam 2,366.77-ona baridapaha.
Ia ramani project-ko bilsi 2014-ona matchotna somoiko donahachim indiba adita dingtang dintang neng·nikarangko chagronge somoi gita matchotatna man·jaha. Jeni a·sel am·sandianio ia kattarang nakataha.
PWD (NH) Chief Engineer AM Kharmawphlang, Arbitral Tribunal-ni am·sandiao tik ong·gijanirangko parakani ja·man uo pangchake FIR ka·aha.
CID, ia mamlako sandikuenga, ian Meghalaya-ni mingsa high-profile case ong·enga. Bebegita ia mamlako tik ong·gijanirang dongako sakki man·a ong·ode ian a·dokni public infrastructure project-o dal·bea sing·doani nakatgen.
Shillong-Nongstoin-Tura project scam-ko sandia matchotna somoi nangdapkugen
Date:
Share post:
