SHILLONG: National People’s Party (NPP)-ni National President aro Meghalaya-ni Chief Minister Conrad K. Sangma, Khasi Hills Autonomous District Council (KHADC) aro Jaintia Hills Autonomous District Council (JHADC) ge·gnion party, executive committee-ko rikgen ine ka·donganiko Sonibar salo parakataha.
Jirang constituency-o party candidate Sosthenes Sohtun-na chake rally ka·mitingo CM Sangma, ‘NPP-an council ge·gnio bilko man·taigen’ ine aganaha.
“Bang·a MLA-rangan an·tangtangni party-ni kosako kakket kattarangko aganenga. Ian uamang an·tangtang election-o siriktelgen ine ra·chakaniko mesokaha. Bang·a jolrangon uamang NPP-na vote-ko on·china mol·molenga.”
Indake Chief Minister, district council-ni tribal manderangni namgnina kam ka·gipani gamchataniko janapataha. Ri Bhoi district-oba party bilakbatroroenga ine aganaha.
“Ri Bhoi-ni dambonga constitutency-rangon NPP bilaka. Jolni manderang NPP-ni dilanio bebera·a, uni gimin chinga election-o chetelna ka·donga.”
Iarangni gisepo CM Sangma, Sohtun-na manderangko chakpaachina mol·molaha.
