SHILLONG: New Shillong Township-o rikgipa Shillong IT park-ni gnigipa phase ba bakko ia bilsiode matchotna ka·dongenga.
Domestic aro multinational company-rang uamangni office-rangko Shillong Technological Park-o donna sanditokenga, uni gimin a·dok sorkari Shillong Technology Park Phase -II building-ko Phase-I building-ni sepango rikna a·bachengaha.
Phase-II buildong-ko lak 1.8 square feet-ni a·ao ba biapo rikenga. Jekon ia bilsi 2025 bon·angachibara matchotna ka·dongenga.
Building-o world -class ba nambatgipa infrastructure donggen jeon 3000-na baten seat-rang donggen. Iarangni gisepon Tura IT Park-ni kamkoba a·bachengataha.
Shillong Technology Park-o chu·sokaniko man·ani gimin sorkari, West Garo Hills district Tura-oba Technology Park-ko rikna chanchiaha. Tura-ni IT Park-ko 1000+seat capacity ba biap donggen.
Jekon lak 1 square feet-ni a·ao rikenga. Building-ko rikani kamrang namen re·enga aro ua building-ko re·baenggipa bilsi 2027 -o matchotna ka·dongenga.
