SHILLONG: 2021-2022 bilsini gisepo a·doko niam pe·gipa aro moila ong·atgipa ge 36 karkanarangko gong 26,85,000-ni dairangko gamchina National Green Tribunal (NGT) ge·etangaha.
Iani bidingo u·iataniko on·angengon, “STP, CETP aro ETP-rangko kulie chalaianio niamrangko pe·gipa karkanarangni kosako CPCB ja·kuko de·na nanga. Samtangtango ong·telaigiparangko nosto ka·anina ia karkanarangoniko CPCB, hisapenba dairangko ra·na nanga aro ia tangkarangko dingtang donenba mikkangchi samtangtango ong·telaigiparangko chel·chakanio jakkalskana nanga,” ine NGT parakataha.
2022 bilsini March 19 tariko Meghalaya State Pollution Control Board-ni chang 82-gipa tom·aniko ong·atanio Agenda No. 6-ni Resolution-o pangchake, ia tangka paisarangko jakkalna Assessing Environmental Compensation and Action Plan-na CPCB In-House Committee on Methology-ni Report-ko tarina nanga ine Board ku·pattianiko on·angaha.
Indake ong·engon, Meghalaya a·doko pilak karkanarangkon Meghalaya State Pollution Control Board aro Central Pollution Control Board baksa connect ka·na gita MSPCB, dingtangmancha Knowledge Lens Pvt Ltd-na bilko on·angaha.
 |
ReplyForward
|
