SHILLONG: 2022-2023 financial year-o gong kror 1,577-ni kajinarangko chu·onggija man·aha aro ian a·doktango man·enggipa kajinarangoni 50 percent-na bataha ine Comptroller & Auditor General (CAG)-ni gitalbatsranggipa report-o parakaha.
CAG-ni gital report-o parakani gitade, Taxes on Sales, Trade, Stamps & Registration, State Excise, Forest Receipts, Motor Vehicles Tax, aro Non-Tax Receipt-rangko man·chape dingtang dingtang department-rango man·enggipa kajinarangko sandiroke nion, ming 70 case-rango gong kror 1,577.17-ni gita noksan ong·na nangaha ine nikna man·aha. Ia tangkarangara, a·doktango man·enggipa kajinarangoni 50.76 percent ong·achim ineba CAG-ni report-o parakaha.
2021-22 financial year-ko nisusagenchimode, Meghalaya a·dokni Tax Revenue gong kror 2,300.38 ong·e, chu·gimik Revenue Receipt-rangara 16.12 percent ong·achim aro ianoni bang·bate on·gilgipara, gong kror 1,117.94-ko State Goods & Services Tax (SGST), gong kror 308.00-ko State Excise aro gong kror 99.42-ko Taxes on Vehicles ong·aha.
2022-23 bilsini gisepo dingtang dingtang department-rang, hisapanirang chu·ongja, kajina gilanirangba chu·ongja aro kajinao noksan ong·ani ming 15 case-rang gong kror 607.10 ong·aha ineba CAG-ni report-o parakaha.