Wednesday, April 30, 2025

Rama tarianichi sports hall-ko nosto ka·naba gnang ine Selsella NGO-rang kenchakaniko paraka

Date:

Share post:

TURA: Phulbari-oni Chibragre-ona Selsella gita National Highway (NH-127B) ramako taribaengani a·sel Selsella-o gital rikmangipa Indoor Sports Hall-na nangchakeaniko ra·banaba gnang ine Selsella-o dingtang dingtang dolrangni nangrime bikotgipa All Selsella NGOs Alliance (ASNA), kenchakaniko parakatenba, ia ramako tarina skang ia Indoor Sports Hall-na nangchakeanirang dongama dongjawa uko name nipilchengahama ine West Garo Hills a·jani Deputy Commissioner-ko sing·doataha.

“Ia Selsella Indoor Sports Hall-ara ru·uta bilsirangonin jolo songdongenggipa chadamberangni ka·oksie nisenggipasa ong·ani gimin jolni manderangna, mongsongbate chadamberangna namen gamchatbegipa gam gita ong·a. Da·o ia sports hall-ko rikanirang matchotahani gimin kulie on·anikosa chinga senge dongtokenga. Indake ong·genchimoba da·o Selsella gita NH-127B ramako tariangengani gimin ian ia gital Indoor Sports Hall-na nangchakeanirangko ra·banaba gnang ine chingni gisepo kenchakanirang ong·katenga,” ine ASNA-ni dilgiparang parakataha.

NH ramarangko tarianiara jolni namroro silroroanina namen nangchongmotgipa ong·a ine janapatengon, “Iandakgipa ramarangni gamchataniko chinga ma·siengoba ia ramako tarianichi Indoor Sports Hall-ko nosto ka·skagenchimode ian Selsella jolni chadamberangna aro kal·susaanio gisik nanggipa manderangna dal·bea gimaani ong·gnok,” ine ASNA parakataha.

Indake ong·engon, Selsella gita NH-127B ramako tarina skang Indoor Sports Hall-na nangchakeani dongama dongjawa uko name nichengama nichengja, uani bidingo talataniko on·china, rama tarianichi Indoor Sports Hall-na nangchakeaniko ra·bagenchimode ia sports hall-ko chel·chakna mai ja·kurangko de·enga, aro ia ramako tarianichi Selsella Indoor Sports Hall nosto ka·ako man·genchimode, gital Indoor Sports Hall-ko rike on·gen ine ku·rachakaniko on·china gita Selsella-ni NGO-rang, West Garo Hills a·jani Deputy Commissioner-o dabiangaha.

Related articles

M’laya bow out after semis abandoned

1st Little Masters Trophy By Our Reporter Shillong, April 29: Meghalaya had to bow out of the 1st Little Masters...

Poshan Pakhwada-ni Publicity Program-ko ong·ata

TURA: Mongolbar salo, India sorkarini Information & Broadcasting Ministry-ni ning·o donggipa Central Bureau of Communication, Field Office Tura-ni...

NEHUSU-ni prez-ko rim·anina chatro chatrirang jegala

SHILLONG: North Eastern Hill University (NEHU) Students Union-ni president Sandy Sohtun-ko rim·anina aro NEHU campus-o sipai dolrangko donatanina...

NH 127B-ko tarianio compensation gamchina GHYO dabia

TURA: Phulbari-oni Tura-ona National Highway (NH) 127B ramako tarianio, je biaprangkon ia ramao man·chapahachim, ia a·a nokgiparangna compensation-ko...