Two-wheeler-o bi·sarangna helmet jakkalchina ge·eta

SHILLONG: Shillong Police, two-wheeler-o bi·sarangko gate salruragipa ma·a-paa aro guardian-rangko bi·sarangna helmet patchina ge·etaha.
East Khasi Hills-ni SP  Vivek Syiem, gimik ma·a-paarang aro guardian-rang jemangan bi·sarangko two-wheeler-o gate sala, uamangko bi·sarangna helmet-ko patchina mol·molataha. Bi·sarangna helmet patja ong·ode Motor Vehicles Act-ni niamo pangchake dai gamna nanggen ine mikrakataha.
Two-wheeler-ko salgipa ma·a-paarang aro guardian-rang bang·a changon an·tangtangde helmet gana indiba ki·sango ba mikkango chadengatgipa bi·sarangna helmet-ko ganatrongja, ian bi·sarangna namen kenbegnigipa ong·a, uni gimin Shillong police, bi·sarangna helmet ganatchina didianiko on·aha.