SHILLONG: Mijal Robibar salni bako, Shillong songjinmao mikka baksana stilrangni jimbee ga·akaniko nikangna man·aha aro bang·bata biaprangon stilrang ga·akani ja·man stilrara dake boksoriri ong·aniko nikna man·aha.
Shillong songjinmani Mawlai jolrango, mongsongbate Mawiong, Mawtawar aro Umrynjah jolrango mikka aro stilrang jimbee ga·akangaha aro ia jolrang gimikon stilrang ga·akanichi aditan nangchakeaniko man·angtokaha.
Koborko on·ani gitade, ia jolrango mikka baksa stilrang, kontasa batpile ga·akangaha aro mitam biaprangode stilrang ro·ongrang gita dakpile dal·dale ga·akangaha.
Shillong songjinmaosan ong·aigija East Khasi Hills a·jani gipin songrang, jekai Mawreng, Laitpynter, Marbisu aro Kreit jolrangoba apsan daken mikka baksana stilrangni jimbee ga·akaniko nikna man·aha ine kobor on·timgiparang parakataha.
Ia jolrango stilrang jimbee ga·akanganichi ramarang aro mi a·palrang aditan nangchekaniko man·angaha ineba u·iataha.
