Tura: A·chik State Peoples’ Front (ASPF) 5-gipa public meeting-ko March 29, 2025-o mejalo Pedaldoba, Salbari Rabukong-ni playground-o ong·ataha. Ua meeting ba tom·anio dam 50 songoni Nokmarang ba Sorder-rang re·bae bak ra·angaha aro unbaksanaba dingtang dingtang non-goverment organisation-ni dilgipa-rangba sokbatokaha. Sok-bagipa dilgiparangoni bak ra·giparangara AYWO A·chotchonggre Regional Unit-ni Secretary Mr. Malsin Marak, Constitu-tional Rigthst Forum (CRF)-ni Mr. Witjess Marak, aro All Garo Hills Merchant Association (AGHMA) Raksamgre Unit-ni Secretary Mr. Withing Marak ong·aha. Re·bagiparangni tom·aniona reb·anichi bang·a ka·donganiko man·aha.
Aganprakgiparangoni Dandarigri A·kingni Nokma Shri Kinjing CH Sangma, ia ja·ku de·anio Garo Hills songjinmako mikkang-chakgiparangko nambee kam ka·angchina mol·-molaha, jedakode songna nokna namgnirang sok-bana man·gen.
U·iattimgipaoni
Baghmara: March 28, 2025-o intelligence unit-oni koborrangko man·soani ja·man Meghalaya-ni 144 Bn, BSF, South Garo Hills district-ni ning·o ga·akgipa a·songgipinni sima ari sepango donggipa biap-rangoniko sandirikitaniko dakaha, unon uamang ge-285 nomborrangni YABA tablet-rangko man·aha.
Sandirikitaniko dakanio BSF-ni dol namen sandi-aha, unon gisim plastic packet-ko bolni sepango-niko man·aha. Unon plastic packet-ko kulie nianio ge-285 Yaba Tablet-ko man·aha, jean pekatgipa sam ong·achim, jekon Bangladesh-chi niamgri badingatna jotton ka·ani ong·achim.
Ua man·gimin drug ba pekatgipa bostuni bidingo niamni gita kam ka·angchiba SGH-ni Gasuapara Police Station-na pakwate on·aha.
Border Security Force, a·songni sima arirango indake niamgri badinggipa-rangko rim·na kam ka·enge aro niamgrigipa kamrangko champengna re·mikkang-enga. Ia operation-o chu·-sokanian BSF-ni nirokaniko aro niamgrigipa pekatgipa bostu badinganiko champengna rakbee kam ka·aniko mesokaha, jean jolo songdonggipa man-derango sokgenchimode bang·a niamgrigipa drug-rangko jakalni ong·e nosto ka·ona ra·bani ong·genchim.
