Tura Dakopgre-o Plant Genetic Resources Awareness Program-ko ong·atanga

TURA:Re·anggipa sukkro-bar salni bako, Plant Gene-tic Resources Awareness Program-ni gimin salsana workshop-ko, National Bureau of Plant Genetic Resources (NBPGR), New Delhi aro ICAR-krishi Vigyan Kendra (KVK),-ni gita, West Garo Hills, Tura-ni Dapkopgre, SMELC Hall-o ong·atangaha. Ia program-ko ong·atanganio, West Garo Hills-ni dam sni dingtang dingtang a·ja-rangoni game ge·e cha·eng-gipa sak 100 manderang bakko ra·angaha. ICAR-NEPGR-ni saksa u·ie-ma·sigipa, DR. Pavan Kumar Malav, program-o mongsonggipa ong·e jinmana aganangengon, kario man·gipa bolam bite aro me·su samjakrangko ripinge rakkianio uarangni bitchilrangko ripinge dona-nirangko agan-talataniko dakangaha. Indake, Dr. Subama Hajong-ba jinmana agananganio, kario man·-gipa me·su samjakrangni nosto ong·ania, burung bolgrimrangni nosto ong·a-nirangchi, sal somoirangni dingtanganirangchiba ong·a ine aganangenba, iarangko ripinge rakkianio  songsalni manderangni  jak on·paanina didianiko on·angaha. Una agreba, ICAR-KVK-ni senior Scientist & Head, Dr. Monica Suresh Singh, North East Region-ni Meghalaya a·dokni ding-tangmanchagipa  biap ong·ani gimin aro a·doko man·gipa narangni rokkom-rangko ripingna nangenga-ni giminba aganangaha. Indake Meghalaya a·doko gama ge·anirangko nam-daproroatna gita, game ge·e cha·enggipa manderangna, gama ge·anio pilak nang-gipa bosturangko  on·-angan baksana, dingkario man·gipa me·su-sam-jakrangni bitchilrangko aro gue pangrangkoba on·-angjolaha.
Indake gama ge·aniko namdapatna gita, u·i-ma·sianiko aro nang-gipa bosturangko on·aha-nina bakko ra·anggipa game ge·e cha·enggipa mande-rangba kusi ong·aniko parakaha.