SHILLONG: Bang·a chatro chatrirang jemangan uamangni SSLC porikkako pass ong·giparang bang·ani gimin pilak Secondry School-rangko Higher Secondary School dakatna a·dok sorkari chanchiaha.
Ia chatro chatrirangko ra·angna skang sorkari minggipin ra·bianirang donga ua mitam Higher Secondary School-rangko on·dapgenchimba pringo class ra·anirangkoba a·bachengatna nanggen, ine Education Minister, Rakkam Sangma aganaha.
Admission-rangko ta·rake a·bachengatjachina pilak institution-rangko sorkari ge·etataha, skanggipa changna result-ko jagnina skangan parakataha, ine ua aganaha.
Uamang uniform academic session-ko nanga aro uamang academic session-ko May ja bijatchioni a·bachengataniko nangnika ine u·itani somoio “chatro chatrirang uamangni nokdangni manderang baksa kusi ong·e katchachenganiko chinga nangnika,” ine ua aganaha.
CM Impact Guidebooks songadam biaprangoni chatro chatrirangna dakchakaniko on·aha aro ia skanggipa changna question paper-rangko CBSE aro ICSE-ni line-rango national standard-rango pangchake tariaha, ine nambatgipa pass percentage-ni bidingo sing·anina ua aganaha.
Ru·uta somoirangna name dakjaenggipa skulrangko sorkari ma·siangaha ine ranta ka·atani gimikko donanina MBOSE-ko mittele Sangma aganangaha.
“Batanggimin bilsio, chinga uamangona re·angaha aro rake kamrangko ka·china didiangaha aro chingni dakchakna amako on·a ku·rachakangaha aro rakbate kamrangko ka·angchina chinga uamangko didiangkugen,” ine Minister aganaha.
Secondary School-rangko Higher Secondary school-rang dakna sorkari chanchia
Date:
Share post:
