SHILLONG: India a·songni mongsonggipa biaprangko jakkepna man·ahaoba aro ma·mongo gittamgipa changna sorkariko rikna man·ahaoba Bharatiya Janata Party (BJP), Meghalaya a·doko dal·rorona man·skakujaenga.
Meghalaya a·doko BJP, an·tangtangko mingsingatna jotton ka·beengoba aro election-ni somoirango raken kamrangko ka·engoba da·ona kingkingan chu·sokgipa ong·na man·skakujaenga.
Iani bidingo a·dokni Cabinet Minister aro BJP-ni dilgipa AL Hek, kobor ra·timgipa manderang baksa agangrikengon, Meghalaya a·dokni election-rango chena gita BJP, namgipa candidate-rangko sandina nangenga ine parakataha.
“Gipin biaprangode party-ko niesa manderang pu·onbattokaha indiba Meghalaya a·dokode manderang, party-ko nina skang candidate-kosa nichengani gimin election-rango chu·sokgipa ong·na gitade BJP, namgipa candidate-rangko sandina nangenga,” ine Hek aganaha.
Ma·mongo sorkariko rikna man·ahaoba batanggimin bilsi 10-12-ni gisepo BJP, Meghalaya a·dokni Assembly election-rango seat damgnina bate chena man·kujaengani gimin a·dokni BJP dilgipa Hek, ia kattarangko aganaha.
2018 bilsini Assembly election-o BJP, seat damgnikosan chena man·aiaha aro ia seat damgniara AL Hek aro sakgipin MLA Sanbor Shullai-ni ong·a. Ia dilgipa sakgnian, batanggimin election-rango, je party-oni susagenchimoba da·o dipet amako man·kujaengachim.
2023 bilsini Assembly election-oba BJP-ni dal·dalbatsranggipa dilgiparangan a·dokona re·bae campaign ka·angahaoba uamang sakgnina agrede BJP-ni gipin candidate-rang chena man·taijahachim.
2024 bilsini Lok Sabha election-ode BJP, susasranggija NPP-na chakpaanirangko on·skaaha aro uni ja·man Gambegre by-election aro MDC election-oba BJP amako man·taiahachim.
Nama candidate-rangko man·jaengani a·sel M’laya-o BJP chu·sokjaenga: Hek
Date:
Share post: