Sakgnian an·tangtangni kamna kalimpilani dongjani gimin kema ka·ani dongjawa: Timothy
SHILLONG: Assembly-ni Budget Session-o Tura-ko Winter Capital songchina dabienggipani bidingo Assembly-ni Deputy Speaker Timothy D Shira-ni agangipa kattarangko manderangna ong·gija dake mesokna jotton ka·aha ine YouTuber sakgnini kosako mokordoma ka·gipani bidingo talate on·na gita Sukrobar salo, Assembly-ni Deputy Speaker, Chief Justice Magistrate-ni kachario mikkangpaeaha.
Kachario mikkangpaeani ja·man kobor ra·timgipa manderang baksa agangrikengon, “BNSS-ni section 323-ni ning·o deputy speaker, kacharina an·tangni kattarangko parake on·angaha aro kachari uni agangipa kattarangko chipe ra·ahani gimin da·o iako name nipiltaianggen,” ine Deputy Speaker-ni ukil Sujit Dey parakataha.
“Da·o deputy speaker-ni agangipa kattarangko kachari name nipiltaigen aro uni kosako defamation ba uni bimingko ong·gija dake man·atna jotton ka·anirang donga ine nikgenchimode kachari, aino pangchake ja·kurangko de·anggen,” ineba Dey aganaha.
Deputy speaker-ni ka·gipa minggni case-rang donga aro uan criminal case aro minggipinde civil case ong·a ine talataniko on·angengon, “Da·alo jekon chinga aganengachim, uan criminal case ong·a. Angni client-ko ong·gija dake biming man·atna jotton ka·ahani gimin chinga civil case-koba ka·aha aro civil case-ode chinga mokordoma ka·a man·gipa mande sakprakonikon gong kror 100 ka·e dabienga,” ine Deputy Speaker-ni ukil aganaha.
Ia mamlako kachario nangatgija matchotatna man·ani cholrang donggenma ine sing·on, YouTuber sakgnian an·tangtangni kamna kalimpilani ba duk ong·aniko mesokanian dongjani gimin kema ka·ani dongjawa ine Assembly-ni Deputy Speaker Timothy D Shira parakatskaaha.
“Uamang (YouTuber) sakgnian an·tangtangni kamna kalimpilani ba duk ong·aniko mesokanian dongja indide maikai chinga songgigrikna man·gen? Ia case-o songgrikani dongjawa. Uamangni kam angni mikkimko ra·ongalaha aro iani bidingo songgigriknade anga changgni changgittam chanchitaina nanggnok. Iani gimin anga songgigrikna man·janaba gnang,” ine Shira aganaha.
Ia YouTuber sakgnini kamara deputy speaker-nasan ong·aigija uni nokdang gimiknan namgija bimingko ra·baaha ine Shira-ni ukil Dey-ba aganaha.
“Social media-rango jinma jera ra·grikengon sakantian an·tangtangni chanchianiko aganna bil donga indiba sakgipinko gisik saate ba sakgipinna biming namgijaniko ra·baanichide ong·ja,” ine Dey talataniko on·angaha.
 |
ReplyForward
|