SHILLONG: India aro Bangladesh a·songni simarango niam gri badingsrukanirangko champengna rakbee kamrangko ka·engon, Sonibar saloba Border Security Force (BSF)-ni sipairang, Bangladesh a·songona niam gri badingsrukatenggipa ba·ra kancharangko rim·taina man·aha.
BSF official-rangni u·iatani gitade, sima jolrango niam gri badingsrukenggipa manderangni gimin koborko man·soani ja·man 193 Battalion BSF-ni sipairang, a·song damgnini simarango bilakbate nirok sandianirangko dakataha aro East Khasi Hills a·jani sima gita Bangladesh a·songona ra·angenggipa gong 3,60,000-ni ba·ra kancharangko rim·na man·aha.
Batanggimin somoirangoba BSF-ni sipairang, a·song damgnini simarango badingsrukenggipa manderangko champengna nirok sandianirangko dake, India a·songoniko Bangladesh a·songona badingsrukatenggipa matchu matte, sam, chini, ba·ra kancha aro uandakgipa dingtang dingtang bosturangko bang·en rim·na man·engahachim.
