RESUBELPARA: North Garo Hills a·jao Resubelpara C&RD Block-ni gital office building-ko rikani kamrang ka·sinenga ine Resubelpara-ni MLA aro Meghalaya Legislative Assembly-ni Deputy Speaker Timothy D Shira, an·tangni suk ong·gijaniko parakatenba, ia gital office building-ko ta·rake rikchina ge·etaniko on·angaha.
Mongolbar salo, Resubelpara constituency-ni MLA, North Garo Hills a·jani dingtang dingtang official-rang, ia gital rikenggipa Block office-ko nina re·angani ja·man, ia gital building-ko ta·rakbate rikchina ge·etaniko on·angaha.
Ia Block office-ni gital building-ko rikani kamrang ka·sinenga ine an·tangni suk ong·gijaniko parakatengon, ia gital office building-ko re·baenggipa June jani bon·kamgipa antirangon nokdonggae on·na man·na gita kamrangko ta·rakbate ka·china Shira ge·etangaha.
Kamrangko ta·rakbatatna gita kam ka·giparangko rimdape ka·atchina gitaba Shira ge·etaniko on·angaha.
