Garo Quota-o MCS appoint ka·gipako nipiltainchina mol·mola

Tura: Social activist, Cherian Momin, Esther Ngurlienmoi Marak-ko MCS cadre-o Garo candidate-o napatani sing·doe iani bidingo niamo pangchake nipiltaichina mol·molaha.
MCS candidate-ni kosako maming gisik sagrika, ka·onanga dongja aro maming political agenda dongja indiba constitutional -ni gita, customary -ni gita niamrangko ja·rikengon ua niamrangko ripingna aro Scheduled Tribe (ST) resevation-ko ripingna nangnikaniko Momin, aganaha.
“Genealogical record-ko nipilanga ja·man, ku·sikchi agananirangko knaa aro niamko ra·gate ja·rikgipa daka-rika bewalrangni gita Maji Mahari-ni dilgiparangan Esther-ni  an·tangko Garo tribal ine a·kanganiko ra·chakna man·gijako parakaha.
MCS officer, Maji Mahari baksa maming bak dongja ine Mahari-an parakaha.
“Ian namen jajrenggipa katta ong·enga, Maji Mahari ma·kringan Esther-ko uamangni bak ong·ja ine parakatani ja·manba Meghalaya Public Service Commission aro Social Welfare Department, maming ja·kuko de·a dongja.
“Iarangna agreba East Khasi Hills-ni Deputy Commissioner Office-oniko mejaomangmang man·gipa RTI aganchakanio namen jagokatgipa kattako u·ina man·aha. RTI-ni aganchakgipao Esther-ni Garo status-o matrillineal sakki ba ma·kringni ra·chakani dongja. RTI-ni report-an MCS-ni result-o Esther-ko Garo Quato-o napatanio dal·bea sing·aniko nakatata. Ian niam gita ong·jaenga, ine Momin aganaha.
“Indake social activist, Esther-na ST certificate-ko on·ani bidingo am·sandianiko dakchina sorkariko mol·molaha. Uni janapgipa ma·kringni dilgiparang baksa agan-golpogrike nirok-sandichina mol·mole Chief Minister Conrad Sangma-na chittiko seataha.