SHILLONG: Salantio ka·e dake cha·giparangna neng·nikani sokbagen ine aganenba Shillong Song-jinmao da·al salni bako dokkanrangko kuliaichina gita Hynniewtrep Inte-grated Territorial Organ-isation (HITO) Shillong city, pilak dokkan dak-giparangko didiataha.
In a letter address to East Khasi Hills Deputy Commissioner, RM Kurbah Batanggimin somoio Jammu aro Kashmir-ni Pahalgam-o tourist-rangko bobilrangni chadrape so·otanina kalimpaaniko dakna gita Shillong song-jinmao dokkanrangko chipatchina gita “Shillong Citizen’s Forum”-ni an·-tangtangni ska gita ge·et-aianiara niam ong·ja ine HITO Shillong city general secretary, Balajied Jyrwa jegalataha.
Sianggiparangna duk ong·chaka aro chingni bi·ani uamangni nokdang-rangni kosako ong·a aro uamangna kalimpaanirang-ko dakaniba kakketan ong·a indiba manderangni ska namnikaniko ra·esa dakna nanga dokkan-rangko drae chipatpile dakanide ong·ja, maina iako dakanichi salanio ka·e dake cha·gipa manderangni nokdangrangna neng·-nikani sokbagen, Jyrwa aganaha.
Ua indake aganaha je Mukroh-o a·dokni mande-rangko Assam police-ni so·ote galani somoio dokkanrangko chipchina aganode mitamrangde chipan chipja, unigimin niamni kosako darangba darangni kosako drae dokkanrangko chipatna man·ja, HITO aganaha.
Indake ong·engon, Shillong Citizen’s Forum-ara maidakgipa niamo ga·chate chadengeranga aro iara register ka·gimin dolma? HITO Shillong City general secretary agan-chakaniko am·aha.
“Intelligence koboro paraka je ian police bajar-o bading-chiwalgiparangni ge·sa dol ong·a, jemangan mongsongbate Kolkata-ni manderang, jekon bang·a bang·ja manderangchi chalaienga. Ia forum-ara an·chingni manderangni maidakgipa namgnina kamrangko ka·enga,” Jyrwa sing·doaha.
Iandake niamgri dak-enggipa manderangni kosako bichal ka·na nanga ineba HITO dabiaha.
Shillong Citizen’s Forum-ni gita dokkanrang-ko chipchina ku·watanio Bara Bazar Merchants’ aro Shopkeepers’ Association aro State BJP-ba jak snilpaenga ine nikatna man·a, jekon Pahalgam-o tourist-rangko so·otaniko jegalna gita da·al ong·at-engachim.
