TURA: A·songko warachakenggipa sipairangna bakrimaniko mesokna gita Sombar salo, West Garo Hills District Administration, Garo Hills-ni Royal Enfield Riders baksa nangrime, Bike Rally-ko ong·atangaha.
Ia Bike Rally-ko a·bachengatna skang, West Garo Hills a·jani Deputy Commissioner Vibhor Aggarwal, Bike Rally-o bak ra·enggiparangna aganprakengon, ia somoirango a·songko chel·chakna gita rakbee aro ka·dongbee kamrangko ka·enggipa a·songni sipairangna bakrimaniko mesokna ia bike rally-ko ong·atenga ine parakataha.
Ia Bike Rally-o bak ra·ahani gimin Garo Hills-ni Royal Enfield Rider-rangko mittelpilangengon, ramarango songreengon pangnan simsake bike-rangko salchina aro pangnan a·song baksa bakrimchina Deputy Commissioner didiangaha.
Ja·mano ua ia Bike Rally-ko jinmani mikkango a·bachengate on·angaha aro ia bike rally-ko a·bachengatanio, West Garo Hills-ni Additional Deputy Commissioner (ADC)-rang aro gipinrangba dongpae bak ra·angaha.
