TURA: Najing Bazar-ara Danakgre A·kingni ning·o ga·akgipa biapsa ong·e, ia bazaar-ko Tura Municipal Board (TMB)-chi chalaina bil dongja ine A·king Nokma Enilla Ch Marak-ni pal, uni bil on·gimin demechik Amanche Ch Marak parakatenba, ia bazar-o TMB-ni gita niam gri kam ka·anirangko dontongchina ge·etaniko on·angaha.
Iani bidingo TMB-ni Chief Executive Officer (CEO)-na seachi u·iatengon, Najing Bazar-ara Najing Nokma sagiko gisik ra·na kuligipa bazar-sa ong·e, ian private a·asa ong·a aro ia a·ani case-ko Danakgre A·kingni Nokma Enilla Ch Marak, cheani ja·man ia a·ana on·gimin pattakoba Garo Hills Autonomous District Council (GHADC) den·galpilahani gimin ia biapni kosako TMB bil dongjaha ine Nokmani demechik Amanche Ch Marak parakataha.
Uandaken, ia Najing Bazar-o kajinarangko gilna gita TMB-ni seokgimin manderangna on·gimin bilko den·galchina aro kajina gilanirangko dontongchina Nokmani demechik, TMB-na u·iataniko on·angaha.
Ia a·ara Danakgre A·kingni a·asa ong·ani gimin Najing Bazar-o donggipa kuturirangko gipinrangna on·jachina gitaba ua TMB-na ge·etaniko on·ataha.
Najing Bazar-ko niam gri ra·sekna man·jana gita High Court-ni ge·etanirangko ja·rikchina gitaba ua TMB-ni CEO-na u·iataniko on·angaha.
