Monday, June 9, 2025
spot_img

M’laya-o skanggipa Engineering College-ko man·a

Date:

Share post:

spot_imgspot_img

Engineering College-ni class-rangko ia bilsionin a·bachenggen: Education Minister

SHILLONG: Shillong songjinmao Government Engineering College-ko kulina gita All India Council for Technical Education (AICTE) ra·chakangaha aro ian a·doko skanggipa engineering college-ko kulianiba ong·gnok.

AICTE-ni Approval Letter-ko 2025 bilsini April 30 tarikko seenba Meghalaya sorkarini Education Principal Secretary-na on·ataha aro ia college-ko North Eastern Hill University-ni bak ong·e, Mawlai Kynton Massar-ko kuligen.

Ia college-o Civil Engineering aro Electrical Engineering-ni undergraduate program-ko on·na gita AICTE ra·chakaha aro ia program minggnion sak 30 ka·e chatro chatrirangko, ia 2025-26 bilsini academic session-na ra·anggen.

Iani bidingo a·dokni Chief Minister Conrad K Sangma, social media-o an·tangni kusi ong·aniko parakatengon, a·doko skanggipa engineering college-ko kulina AICTE-ni ra·chakaniara technical education-na mingsa chu·sokani ong·aha ine parakataha.

Indake ong·engon, ia Shillong Govt College of Engineering (SGCE)-ni skanggipa class-ko ia bilsionin a·bachenggnok ine Bristibar salo, a·dokni Education Minister Rakkam A Sangma parakataha.

“Chinga namen kusi ong·a maina ku·rachakgimin gitan Shillong Engineering College-ko kulina chinga AICTE-ni ra·chakaniko man·aha aro ia college-ni academic session-ko ia bilsionin a·bachenggnok,” ine Sangma aganaha.

AICTE-ni mesokgimin gita ia college-ko rikanio adita chu·onggijanirang dongani a·sel college-ko a·bachenganio adita ja·manchakna nangaha indiba ia pilak neng·nikanirangko namatna aro AICTE-ni ra·chakaniko man·na gita sorkari rakbee kamrangko ka·aha ineba ua aganaha.

A·bachengo ia college-ko kulina kam ka·anio chu·onggijanirangni gimin sing·anina aganchakaniko on·angengon, “College-ko kulianio adita chu·onggijanirang dongachim beben, indiba chinga da·o kamrangko matchotaha. Ia pilak neng·nikanirangko ma·sien da·o AICTE ra·chakaha aro chinga da·o ia college-ko kulignok,” ine Education Minister parakataha.

spot_imgspot_img

Related articles

Film Tourism Policy: Govt offers incentives

SHILLONG, June 8: The Meghalaya government is set to roll out generous subsidies and discounts under the Meghalaya...

Indian men eye comeback against Netherlands in FIH Pro League

Amstelveen, June 8: The Indian men’s hockey team will have to shed the habit of conceding late goals...

National Nuggets

After Goa min berates doctor, CM rejects his suspension Panaji, June 8: Amid backlash from the medical fraternity and...

Gari a·sel ong·e me·chik saksa sianggipani bidingo police sing·sandia

SHILLONG: Re·anggipa June-ni 4 tariko, Ri Bhoi a·jani Shangbangla jolo Assam-ni gari bolsa a·sel ong·e me·chik saksa sianggipa...