Thursday, August 7, 2025
spot_img

EJH-o mande saksako gari saldape siatani ja·man bol 15 garirangko so·chipa

Date:

Share post:

spot_imgspot_img

SHILLONG: Robibar attamo, East Jaintia Hills a·jani Wahiajer song sambao, gari a·sel ong·e mande saksa siangani ja·man, songni manderang jinma ka·a ding·chaoenba, Star Cement company-ni compound-o dongipa bol 15 garirangko so·chipe galaha aro ia company-ni security guard-rangkoba chadrape, ia compound-o donggipa CCTV camera aro sentry gate-rangko nosto ka·e galaha.

District Administration-oni u·iatani gitade, Wahiajer song sambao Star Cement-ni truck gari aro pick-up truck gari bolsa chatinggrike a·sel ong·aha aro a·sel ong·ani ja·man Star Cement-ni truck gariko salgipa mande, truck gariko sale ua biaponi kataha. Ja·mano pick-up truck garini driver, gipinrang baksa Star Cement company-ona re·ange, ia truck gariko srapeaha aro ua biapona sokanga bakan pick-up truck garini driver, Star Cement-ni truck gario gadoe, truck garini driver-ko dokna a·bachengaha. Uni iandake dokani gimin Star Cement-ni truck driver, gariko sale katna jotton ka·on, pick-up truck garini driver-ko saldapa gita dakaha aro gari saldapako man·e ua, ua biapon siaha.

Iandake ia a·sel ong·ani ja·man jolo songdongenggipa manderang ka·a ding·chaoenba, atte aro gipin silchidarerangko ra·e, Star Cement compound-o tom·chimongeaha aro ia company-ni security guard-rangko chadrape, sentry post aro CCTV camera-rangkoba nosto ka·e galaha.

Sianggipa mandeni manggisikoba ia manderang ra·angna on·gija champenge dongtokaha.

Ja·mano, Lumshnong Police Station-ni police-rang, gipin sipai dolrang baksa so·sojengjeng ong·aniko namatna ua biapona re·baaha. Indake ong·genchimoba, ka·a ding·chaoenggipa manderang, ua biapo donenggipa bol 15 garirangko so·e galaha. Garirangko so·e galahani gimin ua biapona wa·al kimitgipa garirangko okamaton, manderang ia wa·al kimitgipa garirangkoba so·chipe galna jotton ka·aha aro ja·mano Star Cement-o kam ka·enggiparangkoba chadrapaha.

Ja·mano ua biapona adita sipai dolrangko okamdapatenba, manderangko katatna man·aha aro uandaken so·sojengjeng ong·aniko champengna man·aha.

spot_imgspot_img

Related articles

US tariff will deter FDI, hits jobs hard: Owaisi

Hyderabad, Aug 7: AIMIM President Asaduddin Owaisi on Thursday expressed apprehensions that the 50 per cent tariff imposed...

Air India crash probe ongoing, DGCA conducted 146 audits of major airlines this year: Minister

New Delhi, Aug 7: The investigation into the fatal Air India crash on June 12 in Ahmedabad is...

Trump tariffs ‘shocking’, India’s growing economy its major strength: Lisa Curtis

New Delhi, Aug 7: Leading foreign policy and national security expert Lisa Curtis, who served as former Deputy...

Tea industry urges DGFT to regulate tea imports under AUS to safeguard India-origin tea in markets

Guwahati, August 7: Raising concern over lack of proper monitoring of duty-free tea imports under Advanced Authorisation Scheme...