SHILLONG: Opposition-ko dilgipa Mukul Sangma, Meghalaya-o politician aro bureaucrat-rangni gisepo meligrikgijaniko janape, ia mamlako sandichinaba dabiaha.
Mejaomangmang ong·gipa obostako janapatengon, jeon North Garo Hills-ni Deputy Commissioner-ko sima ari gita gue badingsrukani mamlako am·sandina ge·etaniko on·ani konta 24 somoini gisepon ra·galataha. Da·o gital DC-ara ua mamlako sandiatkuenga ine Mukul sing·aha.
Bureaucrat-rangko skatang kamoniko jitata ba ra·galna man·ja. Sawamancha DC-ko kamoniko jitata, Minister ba Deputy Chief Minister ong·jawa. Chief Secretary- ni gita CM-ona sokgipa file-ko CM ra·chakaniko on·ja dipetde jitatna man·ja.
Supreme Court-ni transfer ba kamoniko apjitatani bidingo on·gipa raiko janapate, bureaucrat-rangni kamko jitruraniko Board-sa niroka, uasa maini gimin kamoniko jitatenga, iarangko talata ine aganaha.
“Sawamanchasa transfer-ni niamrangko kal·akenga, jensalo iarang gimikko cho·bile sandiode sakkirangko aro kakketko u·ina man·gen ine LO aganaha.
Uandake a·doko niamgri koela cho·ani gimin aganengon LO dilgipa, maini gimin indita FIR-rangko segata ja·manba DC aro SP-rang mamingkon dakna man·jaenga. Changni chang court-na sakkikon mesokna man·jaenga.
Kam ka·gipa officer-rangkon gipin biapona jitrurae dongode maidake dos dakgiparangko rim·na man·gen ine sing·aha.
A·dok sorkariko, biltangko ong·ija jakkala ine matnange, Mukul, Laitumkhra-ni mingsa high profile case-ko janapaha. IO-ko kamoniko jitataha.
A·doko niamgri koela cho·anirang dongode gipin biaprangoni re·bae kam ka·giparangba dongenggen, indake ong·ode ia mamlako sandina nanga ga·akjama ine sing·aha.
Sorkarini bilko jakkale Bureaucrat-rangko jitrurani gimin LO matnanga
Date:
Share post:
